مـــدخـــل
يامبعده عني وصوتي يناديك
...........ردي عليَ مابغى صدايه يجاوب
اليوم عيد وعيدي اني الاقيك
............ولاراح حزنٍ حل حزنٍ ينااااوب
[center]
شفت الوفي ياخوي خـان وغدربـي
ولامن صديق(ن) شافني واعتنابـي
حسبي على حظ(ن) عصا وانحدربي
حظ الردى اللـي للتعاسـه غدابـي
كل(ن) درى بحالي وكل(ن) هذربي
ويضحك عليَ اللي درى في صوابي
قالوا خذااه العشق شرق(ن) وغربي
مسكين يمشـي بالهـوى بالسرابـي
مالومهم ماجربـوا وش عثـر بـي
لو جربوا محد(ن) معاهـم حكاابـي
ياليتكـم تمشـون ساعـه بـدربـي
أو ليتكـم تقـرون مؤجـز كتابـي
تصفحوا به واعرفوا وش قهـر بـي
شي(ن) يخلي مرضع النهـد شابـي
شي(ن) سكن في داخلي واستقربـي
وشيَد على سـور المحبـه عذابـي
شيَـد وشـال وشـد شـده بسربـي
اللي هدب عينـه جنـاح الغرابـي
راح وترك حزني علـيَ منتصربـي
واستوطنـت اوهـام قلبـي ترابـي
هو روح روحي يوم ريحـه تهبـي
وهو العناء يوم(ن) غيابـه عنابـي
عقبه فـلا يهنـى منامـي وشربـي
زادي سهر ليل(ن) ,وطيفه شرابـي
وشلون تترك خاطر(ن) منكسر بـي
جبره ترى قربي, وكسـره غيابـي
فلـي جديلـك بالحناايـااا وطـبـي
مشتاقلـك والبعـد بعـدك شقاابـي
عليك ياللي كل ليل(ن) سهـر بـي
وحتى زحل والمشتري بـي سهابـي
ارفق بحال اللي به النـوح طربـي
من يوم ربي فـي هواكـم بلاابـي
ياغايبه! شوفي غيابـك دمـر بـي
ومن دون شوفك مازهانـي شبابـي
مادري من اللي غيرك وش نظربي?!
وشهي عذاريبـي وشهـو لقابـي?!
اللي سعى تفريـق قربـك وقربـي
عليه نيـران اللضـى لـه تجابـي
عليه حسبـي مـن دعيتـه ياربـي
حسبـي عليـه الله يـوم الحسابـي
ماخبر بي عذروب غير الفقـر بـي
هو الـذي دمـر حياتـي وطوابـي
لكن عسى المعبود يأتي الفـرج بـي
ويحل شـدات(ن) علينـا صعاابـي
واستغفرك يـارب مـن كـل ذنبـي
والطف بحالي لابنـوا لـي نصابـي
[/center]
![عــاشــ[A]ــق](https://2img.net/u/1311/14/70/61/avatars/1-78.jpg)
السبت سبتمبر 12, 2009 7:34 pm
